Миср жанубидаги қадимий ибодатхонада археологлар сфинксга (боши инсон танаси шерникига яқин бўлган улкан мавжудот) ўхшаш ҳайкал ва зиёратгоҳ қолдиқларини топди. Бу ҳақда мамлакат Қадимий ишлар вазирлиги хабар берди.

Қайд этилишича, артефактлар Мисрдаги энг яхши сақланган қадимий ёдгорликлардан бири бўлган Хатхор ибодатхонаси ёнидан топилган.

Олимларнинг фикрича, “юзи жилмайиб турган ва иккита кулгичга эга” оҳактош сфинкс орқали Рим императори Клавдий тасвирлаган, деб ишонилади.

Топилма баландлиги 20 метр бўлган Гиза пирамидаларидаги машҳур Сфинксларга қараганда анча кичикроқ.

Артефактлар пойтахт Қоҳирадан 450 км жанубда жойлашган Қена вилоятидаги Дендера ибодатхонасидаги икки қаватли қабр ичига жойлаштирилган.

Археологлар ҳайкалнинг жилмаювчи хусусиятларига эга бўлиши мумкин деб ҳисоблаётган император Клавдий милоддан аввалги 54-41 йиллар оралиғида ҳукмронлик қилган ва Рим ҳукмронлигини Шимолий Африкага қадар кенгайтирган.

“Археологлар тош плитадаги изларни текшириб кўришади, бу эса ҳайкалнинг шахси ҳақида кўпроқ маълумот бериши мумкин”, – дейилади вазирлик хабарида.

Археологлар кичик ва чиройли сфинкснинг ёнида Рим даврига оид демотик ва иероглиф ёзувлари бўлган тош плитани ҳам топишган.

Оҳактош қўриқхонаси икки қаватли платформа ва Византия давридаги тахта ҳавзасини ўз ичига олади.

Айрим экспертлар Миср ҳукуматининг бу очилишини Мисрдаги оғир иқтисодий инқироз шароитида туризм саноатини жонлантириш учун кўпроқ сайёҳларни жалб қилишнинг бир усули, деб ҳисобламоқда.

• Arxeologiya
• Imperator
• Misr