Китобхон инсонга ҳамиша мутолаа завқи ҳамроҳлик қилади. Дунё адабиётида турли мавзу ва йўналишлардаги дурдона асарларни топиш мумкин. Аммо муҳаббат ва ишққа бағишланган асарлар ҳар даврда урфга айланаверади. Қуйида 5 та энг сара асарлар рўйхатини қисқача тақризлар билан келтирдик.

1. Николас Спаркс: “Хотира кундалиги”
Севги ҳақида энг яхши фильмларидан бири Николас Спаркснинг шу номли романи асосида яратилган. Асарда Ной Калхун Иккинчи Жаҳон урушидан сўнг Шимолий Каролинадаги уйига қайтади. У нормал ҳаётга қайтишга ва бошқа одам билан муносабатда бўлиш учун севгилиси Элли Нелсоннинг қалбини забт этишга ҳаракат қилади. Агар сизга китоб ёқса, муаллифнинг бошқа романларини албатта ўқинг. Уларнинг барчаси бестселлерга айланган.

2. Жейн Остин: “Андиша ва ғурур”
Агар сиз ҳали ҳам ушбу романни ўқимаган бўлсангиз, унда ҳозироқ бошланг! Беннетлар оиласининг иккинчи қизи ва романнинг асосий қаҳрамони Елизаветта, севгилиси Фитсвиллиам Дарсига қараганда пастроқ ижтимоий қатламга мансуб. Ижтимоий хурофотлар уларнинг бирлашишини деярли имконсиз қилади. Қиз ўзи кўнгил қўйган йигитга пинҳона садоқат кўрсатади. Хўш бу садоқат муносиб жавоб оладими?

3. Сесилия Аҳерн: “Мен сени севаман”.
Бу ўлимдан ҳам кучлироқ бўлган севги ҳақида ҳикоя. Холли севимли турмуш ўртоғидан айрилиб, тушкунликка тушади. Унинг одамлар билан мулоқот қилиш учун кучи йўқ, ҳатто уйдан чиқиб кетишга ҳам истак йўқ. Кутилмаганда почта орқали келган эрининг хатлар тўплами унинг ҳаётини бутунлай ўзгартиради.

4. Маргарет Митчелл: “Шамол билан кетди”
Роман муаллифи Маргарет Митчелл. Америка фуқаролар уруши даврида жуда ижтимоий, қизиқарли китоб. Севги ва садоқат, уруш ва хиёнат, амбиция ва ҳарбий истерия ҳақида, ҳеч нарса бузолмайдиган кучли аёл ҳақида асар.

5. Жон Грин: “Юлдузлар айбдор”
Бу асар саратон касаллигига чалинган икки ўсмир ҳақида. Ҳайзел ва Гас улар ўлишларини билсаларда туйғулардан воз кечишмайди ва мақсадларини биргаликда рўёбга чиқаришга ҳаракат қилишади. Улар учун бундай узоқ масофани босиб ўтиш қийин, аммо орзу амалга ошади. Аммо жуфтлик тузаладими?

• Китоб