Банан ва творогли музқаймоқ нафақат мазали десерт, балки фойдали ҳам ҳисобланади. Музқаймоқ тайёрлаётганингизда ёғлилик даражаси ўртача бўлган творогдан фойдаланиш тавсия этилади. Энг асосийси, бу музқаймоқни ҳаттоки кичкинтойларингиз ҳам истеъмол қилиши мумкин.

Керакли масаллиқлар:

- Творог - 300 гр.

- Банан - 2 дона.

- Сут - 150 мл.

- Шакар - 100 гр ёки таъбга кўра.

Тайёрланиш жараёни:

1. Аввало бананлар ювиб олинади ва пўстлоғидан ажратиб, бўлакларга бўлинади.

2. Бананларни блендер ёрдамида бир хил массага келтириб олинади.

3. Алоҳида идишга творог билан сутни аралаштириб, бананли масса қўшилади.

4. Ҳосил бўлган масса миксер ёрдамида бир хил ҳолга келгунча аралаштирилади.

5. Тайёр бўлган аралашмани контейнерга солиб, 3-4 соатга музлатгичга қўйилади.

6. Юмшоқ ва майин музқаймоқ ҳосил бўлиши учун музлатгичдаги массани ҳар 25-30 дақиқада олиб, аралаштириб қўйилади.

7. Тайёр бўлган банан-творогли музқаймоқ хоҳишга кўра безатилиб, оила аъзоларга тортиқ этилади.

Ёқимли иштаҳа!

• Фойдали
• Рецепт