Наманган шаҳрида Ўзбекистон – Қатар касбий маҳорат маркази ташкил этилади. Марказ прогрессив ислоҳотлар маркази ва Доҳа фан ва технология университети томонидан очилади. Бу ҳақда Доҳада Ўзбекистоннинг Қатардаги элчихонаси кўмагида битим имзоланди.

Марказ муҳандислик, пайвандлаш, соғлиқни сақлаш ва бошқа соҳаларда мутахассисларни тайёрлаш билан шуғулланади. Тренинг инглиз тилида замонавий дастурлар орқали амалга оширилади. Битирувчилар яқин Шарқ, Европа ва Америка мамлакатларида ишлашга имкон берадиган халқаро миқёсда тан олинган сертификатга эга бўладилар.

Прогрессив ислоҳотлар маркази директори Миршоҳид Аслановнинг сўзларига кўра, ушбу лойиҳа Фарғона водийси аҳолисига талаб юқори бўлган техник кўникмаларни ўрганишга ва ишсизлик даражасини пасайтиришга ёрдам беради.

• Наманган
• Қатар