Тошкент шаҳрида қалбаки “Торпеда” номли табобат гиёҳларининг муомалага киритилишининг олди олинди.

Бош прокуратура ҳузуридаги Департаментнинг Юнусобод тумани бўлими ҳамда ДХХ ходимлари ҳамкорлигида тадбиркорлик субъектларининг ҳуқуқларини ҳимоя қилиш юзасидан ўтказилган тезкор тадбирда фуқаролар Қ.Б., Ф.Б. ва бошқалар таркиби номаълум бўлган кукунларни Наманган вилоятида истиқомат қилувчи фуқародан қопларда харид қилиб, яшаш хонадонида ташкил этган яширин цехда махсус идишларга қадоқлаб “Д.И.” МЧЖ томонидан ишлаб чиқарилган табобат гиёҳининг номини қўйиб, “ҚР-код” маркировкаларини қалбакилаштириб, 1 000 дона "Торпеда" ҳақиқий табобат гиёҳи сифатида фуқаролар Б.И. ва О.О.га 120 млн сўмга сотган вақтида ашёвий далиллар билан ушланганлар.

Мазкур ҳолат юзасидан Жиноят кодексининг 168-моддаси(фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

• Фирибгарлик
• Жиноят
• Кодекс
• tergov