Николас Кейж Дракула ролини ижро этган “Ренфильд” даҳшатли комедиясининг трейлери эълон қилинди.

“YouTube”да “Universal Pictures” кинокомпаниясининг узоқ кутилган “Ренфильд” номли қўрқинчли комедия филмининг биринчи трейлери чиқди. Унда бош ролларни Николас Кейж ва Николас Хоулт ижро этган. Бундан ташқари “Шанг-Чи ва ўн узук афсонаси” фильми орқали машҳурликка эришган Аквафина ҳам асосий қаҳрамонлардан бирини гавдалантирган.

Фильмда Дракуланинг (Кейж) хизматкори Ренфильд (Хоулт) Янги Орлеанга жойлашишга ҳаракат қилади. У ўзи эргашиб юрадиган дахшатли қонхўр мавжудотнинг қўл остидан халос бўлишга ҳаракат қилади, лекин бу унинг хўжайинига ёқмайди.

Фильм “Робот жўжа”, “Келажак уруши” фильми ва “Лего” сериаллари билан машҳур бўлган Крис Маккей томонидан суратга олинган. Ренфильд фильмининг премьераси жорий йилнинг 14 апрелида бўлиб ўтади.

• Кино
• Premyera
• aktyor