Табиат ресурслари вазирлиги Тошкент вилояти бошқармаси ходимлари томонидан 3 нафар фуқаро ноқонуний балиқ овлагани аниқланди.

Бошқарма ходимлари аҳоли мурожаатига асосан Оҳангарон туманидаги Қайирма қишлоғи ҳудудида рейд тадбири ўтказишди. Тадбир давомида Оҳангарон – Тошкент йўналишида ҳаракатланаётган БА332106 русумли, давлат рақами 10Б920ОА бўлган автомобил тўхтатилди.

1991-йилда туғилган фуқаро Б.А. бошқарувидаги автомобил текширилганида Б.А. билан бирга 1981-йилда туғилган Д.А. ҳамда 1984-йилда туғилган Р.К.лар электр қармоқ ёрдамида балиқ овлашгани маълум бўлди. Улар жами оғирлиги 48 кг, 2950 дона балиқни нобуд қилишган. Бу орқали табиатга 531 000 000 сўм миқдорида зарар етказилганлиги аниқланди.

Мазкур ҳолат юзасидан жиноят ишлари бўйича Оҳангарон туман суди томонидан ҳукм чиқарилди. Унга кўра, ҳуқуқбузарлар томонидан ҳайвонот дунёсига етказилган 531 000 000 сўм миқдоридаги зарар белгиланган тартибда ундирилиши белгиланди.

• Baliq
• Олий суд
• Суд
• Toshkent viloyati
• табиат