Ўзбекистон Президенти ёрдамчиси Саида Мирзиёева “Жадидлар: миллий ўзлик, истиқлол ва давлатчилик ғоялари” мавзусидаги халқаро илмий конференция очилишида нутқ сўзлаб, миллий алифбони ислоҳ қилиш масаласига тўхталди.

"Бир қарашда оддий туюлган имло белгиси бутун бошли Давлат ва Миллатнинг номи хато ёзилишига сабаб бўлмоқда. Биз бундай масалаларда ҳадеб баҳслашавермай, тезроқ қарор қабул қилишимиз муҳим. Чунки, гап бизнинг Миллатимиз, ғуруримиз, юртимиз номи ҳақида кетяпти.

Тўғри, алифбо ислоҳоти янги баҳслар, тортишувлар, кўзда тутилмаган молиявий харажатларни келтириб чиқариши мумкин. Лекин яна бир бор таъкидлайман, гап Ватан ва Миллат номини тўғри ёзиш ҳақида кетар экан, бундай баҳс ва тортишувларни бас қилишимиз, алифбодаги айрим ўзгаришларни жорий этишимиз ва шу билан алифбо масаласига қатъий нуқта қўйишимиз зарур, деб ҳисоблайман!", дейди Мирзиёева.

• Сиёсат