Оғир атлетика бўйича миллий терма жамоа мураббийлар штаби жорий йилнинг 2–17 сентябрь кунлари Саудия Арабистонининг Ар-Риёд шаҳри мезбонлигида ўтиши режалаштирилган, Париж-2024 Олимпия ўйинларига қимматли рейтинг очко тақдим этадиган, катталар ўртасидаги Жаҳон чемпионатида Ўзбекистон шарафини ҳимоя қилувчи спортчиларнинг дастлабки кенгайтирилган таркибини эълон қилди.

Ушбу жаҳон чемпионати 110 дан зиёд давлатдан 1 500 га яқин спортчи билан оғир атлетика тарихидаги энг йирик мусобақа бўлиши кутилмоқда.

Боиси Париж-2024 Олимпия Ўйинларига сараланиш учун IWF'нинг икки иштирок этиш мажбурий бўлган мусобақалардан бири айнан жорий йилги жаҳон биринчилигидир.

Баҳрам Мендибаев бошчилигидаги мураббийлар штаби айни дамда Қозон (Росcия Федерацияси) ва Чирчиқ шаҳарларидаги ўқув-машғулот йиғинларида иштирок этаётган спортчиларнинг руҳий ва жисмоний ҳолатидан келиб чиқиб Саудияга борадиган кенгайтирилган таркибни аниқлади.

Маълум қилинишича, ушбу таркиб кенгайтирилган, яъни якуний эмас ва ўзгаришлар эҳтимоли мавжуд.

Терма жамоа таркиби қуйидагича:

Аёллар:

Панфилова Жамила

Абдуллаева Нигора

Абдуллаева Шаҳло

Жабборова Турсуной

Сувонова Нигора

Адашбаева Ригина

Дадамирзаева Гулшода

Эркаклар:

Эргашев Адҳамжон

Ёқубов Достон

Тўхтаев Оғабек

Тоштемиров Муҳаммадқодир

Зафаржонов Сарварбек

Ўсаров Суннатилла

Нурудинов Руслан

Амриддинов Шарофиддин

Жўраев Акбар

Жангабаев Рустам

Олимов Ҳожиакбар

Номозов Қурбонмурод

Рўзметов Диёрбек

Нафасов Оғабек.

• Жаҳон чемпионати
• Оғир атлетика