Оғиздаги бактериялар билан бош ва бўйин саратони ўртасида боғлиқлик аниқланди

Олимлар янги тадқиқот ўтказишди. Унда оғиз бўшлиғида кўпаядиган бактериялар бош ва бўйин саратони ривожланиш хавфини ошириши мумкинлигини аниқлашди. Тадқиқот натижалари JAMA Oncology журналида чоп этилди.

Европада кенг тарқалган саратон бу оғиз, бурун ва томоқ бўшлиғида ривожланадиган ясси ҳужайрали бош ва бўйин саратонидир. Бу ташхис ҳар йили 150 мингдан ортиқ одамга қўйилади.

Бу турдаги саратон асосан эркакларда учрайди ва беш йил ичида беморларнинг ярмидан кўпроғининг ҳаётига зомин бўлади.

Тадқиқотда маълум бўлишича, инсон оғиз бўшлиғидаги бактерияларнинг юзлаб турларидан 13 таси бош ва бўйин ясси ҳужайрали саратоннинг ривожланиш эҳтимолини 30 фоизга оширади.

“Тишларни тозалаш ва тиш ипидан фойдаланиш нафақат пародонт касалликларнинг олдини олишга ёрдам беради, балки бош ва бўйин саратонидан ҳимоя қилади”, — дейди Ню-Ёрк университети тиббиёт мактаби профессори доктор Ричард Ҳейснинг баёнотида.

Энди тадқиқотчилар бу бактерияларни қандай тўхтатиш мумкинлигини аниқлашмоқчи. Ҳозирча бу саратондан хавотирда бўлган инсонлар чекишни ва спиртли ичимликлар ичишни камайтириши кераклигини айтишди, чунки булар касалликка асосий сабаблиги келтирилмоқда.

• Olimlar
• Янгилик
• саломатлик
• тадқиқот