Фарғонада “ГАИ” ходими жарима майдонига олиб кетаётган BYD вояга етмаган бола бошқарувидаги Damas билан тўқнашган. Ушбу ЙТҲ оқибатида Дамасъни бошқарган 2007 йилда туғилган ўсмир шифохонада вафот этган.

Суриштирувлардан сўнг, ЙПХ инспектори БЙДъни аҳоли яшаш пунктида юқори тезликда бошқаргани аниқланган. Бош прокуратура ҳолат юзасидан жиноят иши қўзғатилганини маълум қилди.

Маълум қилинишича, ушбу ЙТҲ 30 январь куни содир бўлган. Ўтказилаётган рейд тадбири давомида 2004 йилда туғилган фуқаро М.Ғ. амакиси Ё.Ғ.га тегишли BYD Song машинасини тегишли ҳужжатларсиз бошқарганлиги аниқланган. Шундан сўнг, ҳолат юзасидан маъмурий баённома расмийлаштирилиб, ЙПХ инспектори Р.Қ. машинани жарима майдончасига олиб кетаётганда 2007 йилда туғилган вояга етмаган Х.Н. бошқарувидаги Damas билан тўқнашган. Damas машинаси боланинг устози А.С.га тегишли бўлган.

ЙТҲ оқибатида Damas ҳайдовчиси Х.Н. тан жароҳати олиб, кўрсатилган тиббий муолажаларга қарамасдан шифохонада вафот этган.

• BYD
• YTH