Ўзбекистон Мудофаа вазирлиги жамоаси Жанубий Корея Республикасида илк бор ўтказилган халқаро илмий-жанговар тайёргарлик мусобақасида иштирок этиб, энг юқори натижани қайд этди. Бу ҳақда Мудофаа вазирлиги ахборот хизмати хабар бермоқда.

Мудофаа вазирлиги матбуот хизматининг хабар беришича, мазкур мусобақа давомида жанговар ҳаракатлар реалликка яқин бўлиши учун шаҳар ва тоғ ҳудудларида ташкил этилган амалий машғулотларда томонлар қарама-қарши куч сифатида жанг олиб борган. Унда асосан, дунёнинг етакчи давлатларидан сараланган жамоалар иштирок этди.

НАТО стандартларига асосланган ушбу мусобақанинг 12 та “жанги”да ўзбекистонлик ҳарбийлар 10 та ғалаба билан биринчи ўринни қўлга киритди. Иккинчи ўрин АҚШ ҳамда Корея Республикаси жамоаларига насиб этган - тўрттадан ғалаба.

“Ўзбекистон Мудофаа вазирлиги жамоаси пухта ва самарали ташкиллаштирилган тайёргарлик натижасида мусобақа мобайнида жасурлик, ғалабага бўлган иштиёқ, юксак даражадаги касбий ва руҳий тайёргарлик, шунингдек, шахсий таркибнинг жипслигини намоён этди”, - дейилади хабарда.

• Корея
• Мудофаа
• Вазирлик
• musobaqa