Бадиий гимнастика бўйича Ўзбекистон терма жамоаси Тошкентда ўтаётган Жаҳон кубогининг учинчи босқичида илк медалларига сазовор бўлди.

Мусобақа доирасида биринчи медаллар жамланмаси яккалик йўналишининг кўпкураш дастурида ўйналиб, унда ўзбекистонлик спортчи Тахмина Икромова кумуш медални қўлга киритди.

Шунингдек, гуруҳ машқининг 3 тасма ва 2 та тўп дастурида қизларимиз бронза медаллари билан тақдирланишди.

Яккалик, кўпкураш

София Рафаэли (Италия) — 131.85 балл

Тахмина Икромова (Ўзбекистон) — 126.25

Маргарита Колосов (Германия) — 125.20

Жамоавий (3 тасма ва 2 тўп)

Хитой – 63.50

Германия — 57.70

Ўзбекистон — 57.30

• Бадиий гимнастика
• Жаҳон кубоги