2024 йилнинг январь-апрель ойларида Ўзбекистон хорижга қиймати 298,5 млн АҚШ долларига тенг бўлган 514,8 минг тонна мева ва сабзавотлар экспорт қилган. Бу ҳақда статистика агентлиги хабар берди.

Қайд этилишича, бу кўрсатгич 2023 йилнинг мос даври билан солиштирилганда 43,3 % га ёки 155,6 минг тоннага кўпайган.

Мева-сабзавот маҳсулотларининг асосий экспорт бозорлари Россия (26,3 %), Покистон (24,2 %), Қозоғистон (13 %) ва Хитой (9,3 %) давлатлари ҳиссасига тўғри келган.

2024 йилнинг январь-апрель ойларида мева-сабзавотлар экспорти улуши жами экспортнинг 3,5 % ини ташкил этган.

• Экспорт
• Мева