Парҳезшунос Юлия Зинченко мунтазам жисмоний фаолликсиз тарвузни ҳаддан ташқари кўп истеъмол қилиш натижасида вазн ортиш эҳтимоли мавжудлиги ҳақида огоҳлантирди. Унинг сўзларига кўра, бу тарвуздаги фруктозанинг юқори миқдори билан боғлиқдир.

“Тарвуз кўп миқдорда углеводли мева бўлиб, унда сахароза ва фруктоза кўп. Бу эса қондаги глюкоза миқдорини кескин ошириши мумкин. Тарвуз дастлаб инсулиннинг чиқарилишини, сўнг очлик ҳиссини юзага келтиради”, - дея тушунтирган мутахассис.

Шунингдек, тарвуз юқори гликемик индексга эга, шунинг учун жисмоний фаоллик бўлмаса, уни кўп миқдорда истеъмол қилиш глюкозанинг ёққа айланишига олиб келиши мумкин. Мутахассиснинг фикрига кўра, бундан ҳосил бўлган ёғ қорин ва сонларда тўпланади. Бундан ташқари, Зинченко кунига 15 граммдан ортиқ фруктоза истеъмоли жигарда ёғ йиғилишига сабаб бўлиши ҳақида огоҳлантирди.

• Гўзаллик
• саломатлик