Бугун, 26 январь куни Таиланд пойтахти Бангкок шаҳрида ўтказилган бокс бўйича U 22 Осиё чемпионати ўз якунига етди.

Мусобақанинг сўнгги кунида йигитлар ўртасидаги финал баҳслари бўлиб ўтди. Осиё биринчилигининг финалига йўл олган 10 нафар ўзбекистонлик чарм қўлқоп усталарининг 9 нафари баҳсларда ғалаба қозониб, олтин медалга сазовор бўлди.

Шодиёржон Мелиқўзиев эса қозоғистонлик Санжар Ташкенбайга имкониятни бой берди ва кумуш медаль билан чекланди. Муҳаммадқодир Мамиржонов эса ярим финалдаги мағлубияти эвазига бронза медалига сазовор бўлди.

Ғолиб ва совриндорлар:

Олтин:
-60 кг: Дилшод Абдумуродов
-63,5 кг: Шаҳбоз Юнусалиев
-67 кг: Бекзод Ҳамидов
-71 кг: Нурислом Исмоилов
-75 кг: Аълохон Абдуллаев
-80 кг: Жасурбек Йўлдошев
-86 кг: Шоҳжаҳон Абдуллаев
-92 кг: Нусрат Тоҳиров
+92 кг: Жаҳонгир Зокиров

Кумуш:
-48 кг: Шодиёржон Мелиқўзиев

Бронза:
-51 кг: Муҳаммадқодир Мамиржонов

Қайд этиш мумкин, кечаги беллашувлар якунига кўра 5 та олтин 3 та кумуш ва 2 та бронза медаль жамғарган ўзбекистонлик қизлар ҳам жамоавий ҳисобда биринчи ўринни қўлга киритган эди.

• Бокс
• Осиё Чемпионати
• Ўзбекистон