Париж Олимпиадасида дзюдо баҳсларига старт берилди. Бугун, 27 июль санасида ўзбекистонлик Достон Рўзиев ҳамда Ҳалима Қурбонова Олимпия ўйинларида дебют қилди.

-60 кг.гача вазн тоифасидаги спортчилар ўртасида Достон Рўзиев украиналик Дилшод Холматовга қарши гиламга кўтарилди. Афсуски, Достон кичик ҳисобда рақибига мағлуб бўлиб (0:1), Париж-2024 ёзги Олимпия ўйинларидаги иштирокини якунлади.

-48 кг.гача вазн тоифасидаги спортчилар ўртасида Ҳалимажон Қурбонова Озарбайжон вакили Лейла Алиевага қарши ҳаракат қилди. Хоразмлик спортчи қийин кечган учрашувда 1:0 ҳисобида ғалаба қозонди. Энди у швециялик Тара Бабулфатҳга қарши татамига кўтарилади.

Шунингдек, Париж Олимпиадасида академик эшкак эшиш баҳсларига ҳам старт берилди. Унда ўзбекистонлик Анна Пракатен ўз иштирокини бошлади.

Янги Зеландия, Парагвай, Мексика ва Куба спортчиларига қарши ҳаракат қилган спортчи иккинчи ўрин билан саралаш баҳсларини якунлади.

Дастлабки саралаш босқичининг 3-гуруҳида стартга чиққан ўзбекистонлик спортчи 7:37.80 натижа билан 2-бўлиб марра чизиғини кесиб ўтди. Ушбу кўрсаткич эвазига Анна тўғридан-тўғри чорак финал иштирокчисига айланди.

• Дзюдо
• Олимпиада