Парижда бўлиб ўтаётган 2024-йилги ёзги Олимпия ўйинларининг бугун, 10 август санасига кўра, Ўзбекистон терма жамоаси умумий 8 та медаль билан Олимпиада рейтингида 14-ўринда бормоқда.

Марказий Осиё мамлакатлари ичида Ўзбекистон пешқадамлик қилмоқда. Қозоғистон 7 та медаль билан 36-ўринда, Қирғизистон 4 та медаль билан 70-ўринда, Тожикистон эса 3 та медаль билан 77-ўринда бормоқда.

Шунингдек, Ўзбекистон делегацияси МДҲ мамлакатлари ичида биринчи, Осиё қитъасида эса тўртинчи ўринни банд қилиб турибди.

Маълумот учун, умумий рейтингда АҚШ (111 та медаль) пешқадамлик қилмоқда. Хитой (83 та медаль) ва Австралия (48 та медаль) мамлакатлари эса кучли учликдан жой олган.

Эслатиб ўтамиз, Ўзбекистон терма жамоа ҳисобида ҳозиргача 5 та олтин ва 3 та бронза медаллари бор. Бокс — 3 та олтин, кураш — 1 та бронза, дзюдо — 1 та олтин, 2 та бронза, таэквондо — 1 та олтин.

• Олимпиада