Бу машина икки кишига мўлжалланган. Унинг томи брезентдан, кузови пўлат ва алюминийдан ишланган. Салони чармдан бўлиб, намликка жудаям чидамли.

Шветсариянинг Micro компанияси сайёҳларга мўлжалланган Spiaggina номли бутунлай янги моделни тақдим этди.

Машина олд томондаги ягона эшиги, электр юритгич ва кичкина ўлчамлари билан ажралиб туради. Спиаггина енгил электромобиллар тоифасига мансуб бўлиб, 12,5 киловаттли двигатель ёрдамида соатига 90 километргача тезликка чиқа олади. Бироқ митти машинада узоққа бориб бўлмайди, чунки 10,5 кВт/соат сиғимли First Edition аккумулятори бор-йўғи 177 километр масофага мўлжалланган. Ўлчамларга келсак, узунлиги 2519 миллиметр, кенглиги 1473 миллиметр ва баландлиги 1501 миллиметрни ташкил қилади.

Автомобиль сотуви қачон бошланиши ва нархлари маълум қилинди. Спиаггинаънинг биринчи серияси 2025 йилда Европа бозорига кириб келади ва унинг бошланғич нархи 24 990 еврони ташкил этади. Шунингдек, талабгорлар ҳозироқ онлайн навбат рўйхатига исмини киритиши мумкин.

• Электромобил
• Lifestyle
• Taqdimot
• Янгилик
• қизиқарли