Қарши туманида ер майдони савдоси билан боғлиқ фирибгарлик ҳолати фош этилди. Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти хабар берди.

Қайд этилишича, департаментнинг Қарши туман бўлими томонидан ИИБ ходимлари билан ҳамкорликда ўтказилган тезкор тадбирда, фуқаро С.О. “Сарой” МФЙ ҳудудидан замонавий мактабгача таълим муассасаси биноси қуриш учун отасига ажратилган 50 сотих ер майдонини фуқаро Э.га 220 млн сўмга сотишга келишиб, алдов йўли билан олдиндан 150 млн сўмни олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168 моддаси (фирибгарлик) ва 28, 211 моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

• Бош прокуратура
• Departament
• Фирибгарлик
• JK
• Yer