Оклахома штати университети тадқиқотчиси тасодифан илгари номаълум бўлган динозавр тури қолдиқларини топди.

Улар сайёрада тош даври охирида (100-66 миллион йил олдин) яшаган жонзотнинг орқа оёқ-қўлларини аниқлашган.

Таҳлил шуни кўрсатдики, тириклик вақтида динозаврнинг вазни тахминан 78 кг бўлган. У овирапторлар жинсига мансуб ва булар иккита орқа оёқларида юрадиган ҳамда узун тумшуққа эга бўлган кичик йиртқич динозаврлардир.

Янги турга Eoneophron infernalis номи берилди. Бу ном қазилма қолдиқлари топилган жойга ишорадир («дўзах» деган маънони англатади).

Янги тур аллақачон маълум бўлган овирапторнинг яқин қариндоши бўлиб чиқди, гарчи у анча катта бўлса ҳам (тахминан 200-300 кг). Янги аниқланган турнинг махсус тузилиши унинг тез югуришга яхши мосланганлигини кўрсатди.

Топилма олимларга тош даврининг охирида яшаган динозаврларнинг хилма-хиллигини яхшироқ тушунишга ёрдам берди.

Аввалроқ Аргентинада гигант динозавр қолдиқлари топилгани хабар қилинганди. Унинг оғирлиги тахминан 15 тонна, узунлиги тахминан 20 метр эди.

• топилма