Қозоғистоннинг асосий электр тармоқлари оператори бўлган KEGOC компанияси 25 январдаги электр энергияси билан боғлиқ муаммоларга изоҳ берди. Унга кўра, кузатилган блэкаут майнерлар фаолияти билан боғлиқ эмас.
“Ўзбекистонда 25 январ куни Нур-Султон вақти билан соат 11:59да Сирдарё ИЭСда 6 та энергоблок қисқа туташув туфайли ўчиб қолди. Натижада умумий ишлаб чиқариш қуввати 1500 мегаваттдан ортиқ йўқотилган.
Ўзбекистон энергетика тизимида юзага келган электр қуввати тақчиллиги Ўзбекистон ва Қирғизистон энергетика тизимлари билан параллел ишлашга уланган Қозоғистон энергетика тизимидан рухсатсиз электр энергиясини олиб қўйишга олиб келди.
Натижада, 500 киловолтлик “Шимолий–Шарқий–Жанубий Қозоғистон” транзити учун электр қуввати кўтарилиб, унинг ортиқча юкланиши кузатилди”, – дейилади KEGOC муносабатида.
KEGOC маълумотларига кўра, тақчилликнинг асосий омиллари электр станцияларида аварияларнинг юқорилиги ва электр энергияси истеъмолининг сезиларли ўсиши бўлиб, ўтган йил давомида бу кўрсаткич 6 фоиздан ошган, бу сўнгги йилларга нисбатан 3 баробарга кўп.
Электр энергияси тақчиллиги шароитида KEGOC электр станциялари ва энергия таъминоти ташкилотлари билан биргаликда майнинг билан шуғулланувчи дата-марказларига режалаштирилган электр энергиясини етказиб беришни қисқартириш чораларини кўрган.
Эслатиб ўтамиз, бир муддат олдин айрим экспертлар оммавий электр ўчишини Қозоғистонда фаолият кўрсатаётган майнерлар фаолияти билан боғлиқ бўлиши мумкинлигини айтиб чиққан эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!