Чеченистон раҳбари Рамзан Қодиров “яхши армия” яратмоқчи эканини айтди. Унинг сўзларига кўра, у халқларни “ўзини энг демократик деб атайдиган” давлатлардан ҳимоя қилади.

“Сўнгги пайтларда мен “яхши армия” яратиш ҳақида кўпроқ ўйлаяпман, улар турли давлатларга кўчиб ўтишлари ва ўзларини энг демократик деб атайдиган мамлакатлар томонидан тажовузга учраётган халқларни ҳимоя қилишлари мумкин бўлади”, – деган Рамзан Қодиров.

Қодировнинг тушунтиришича, у дунёнинг турли бурчакларидан “махсус ўқитилган” одамлар жамоасини йиғмоқчи. Унинг фикрича, бу армия таркибига “пул учун эмас, тартиб учун” ўлишга тайёр “ватанпарварлар” кириши керак.

Аввалроқ Рамзан Қодиров ўзининг ҳарбий компаниясини яратишни режалаштираётганини маълум қилганди. Унинг сўзларига кўра, у бу ишга давлат хизматидаги ишини тугатгандан кейин киришмоқчи.

Қайд этиш мумкин, Рамзан Қодиров 2007 йилдан бери Чеченистонни бошқариб келади. 2021 йил сентябрида қайта сайланган Қодировнинг ваколат муддати 2026 йилда тугайди.

• Ramzan Qodirov
• armiya