Бельгия терма жамоаси собиқ бош мураббийи Роберто Мартинес Испания терма жамоасида Луис Энрике ўрнини эгаллаши мумкин.

Эслатиб ўтамиз, 52 ёшли мутахассиснинг шогирдлари Қатарда бўлиб ўтаётган ЖЧ-2022да чорак финалга чиқа олмаган, ўйиндан кейинги пенальтилар сериясида Марокаш термасига имкониятни бой берганди (0:0, пенальтилар бўйича 0:3).

Аввалроқ ОАВда Луис Энрикенинг ўз лавозимини тарк этиш эҳтимоли юқорилиги ҳақида хабарлар тарқалганди.

Onda Cero хабарига кўра, агар бу ҳақиқатан ҳам рўй берса, «Қизил фюри» устози ролига даъвогарлардан бири жорий жаҳон чемпионатида Бельгия термасини гуруҳдан олиб чиқа олмаган Роберто Мартинес бўлади.

1 декабрь куни Мартинес бельгияликлар устози лавозимини тарк этганини эълон қилди.

У билан терма жамоа Россияда бўлиб ўтган жаҳон чемпионатининг ярим финалига қадар етиб борган ва унда Франция термасига мағлуб бўлган, кейин эса учинчи ўрин учун баҳсда инглизлардан кучлироқ бўлиб чиққан эди.

• Бельгия
• Футбол
• Ispaniya
• Жаҳон чемпионати