«Реал Вальядолид» ҳужум зонасини сезиларли даражада яхшилай оладиган ҳужумчи қидиришда давом этмоқда ва клуб вакилларининг кун тартибидаги ўйинчилардан бири «Рома»нинг ўзбекистонлик ҳужумчиси Элдор Шомуродовдир.
27 ёшли футболчи Италия жамоасида жуда кам ўйин амалиётига эга бўлмоқда. Шу сабабли у январда жамоадан кетиш йўлини қидирмоқда, Италияда ҳужумчига асосан «Торино» кучли қизиқиш билдиряпти, аммо ҳозиргача трансфер амалга ошганича йўқ. Чунки Рим клуби мажбурий харидни талаб қилмоқда.
«Реал Вальядолид» Шомуродов вариантни жуда маъқул кўради. Спорт раҳбарияти эса унинг хариди мажбурий бўлмасдан, ижарага келишини хоҳлайди.
Ўз навбатида, раҳбарият ҳам сўралаётган миқдорни камайтириш ниятида, чунки «Рома» сотиб олиш опцияси 10 миллион атрофида бўлишини хоҳламоқда. Яқин ҳафталарда мазкур трансфер бўйича олдинга қадамлар ташланиши кутилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!