Россиянинг Ижевск шаҳри Пушкинская кўчасидаги 88-сонли мактабда отишма содир бўлди.

Россия Федерацияси Тергов қўмитаси маълумотига кўра, отишмада 13 киши ҳалок бўлган, улардан етти нафари бола 20 киши жабрлангани айтилмоқда.

Жабрланганлар ўқдан жароҳат олган, бир бола пичоқ билан яраланган.

Қайд этилишича, таълим муассасаси маъмурияти отишма ҳақидаги маълумотни аллақачон тасдиқлаган. Мактаб директори ярадор ўсмир билан ўз хонасида яширинишга муваффақ бўлган.

Айни пайтда таълим муассасасидан ўқувчилар ва ўқитувчилар эвакуация қилинмоқда.

Олти нафар мактаб ўқувчиси юқори қаватлардан сакраб бинодан чиқиб кетишга муваффақ бўлган. Ҳозир уларга ёрдам берилмоқда. Бошқалар эса ўзларининг синф хоналарига кириб эшикни қулфлаб олишган.

Маълумотларга кўра, отишма дарс вақтида бошланган. Нацислар рамзи туширилган қора костюмли номаълум эркак синфга бостириб кириб, хонадагиларга қарата ўқ узган.

Ҳозирда воқеа жойига фавқулодда хизматлар, шунингдек, Удмуртия раҳбари Александр Бречалов етиб келган. Воқеа бўйича барча тафсилотларга ойдинлик киритилмоқда. Айнан ким ўт очгани ҳам айтилмаган.
Бундан ташқари, губернаторнинг сўзларига кўра, номаълум шахс ўз жонига қасд қилган. Ижевск мактабига полиция ва тез ёрдам машиналари ҳам жалб қилинган.

• Мактаб
• Россия
• Теракт