АҚШ раҳбари бу ҳақда Еврокомиссия раҳбари Урсула фон дер Ляен билан телефон орқали мулоқотдан сўнг эълон қилди.

Қўшма Штатлар президенти Truth Social ижтимоий тармоғида 1 июндан кучга кириши керак бўлган Европа Иттифоқи маҳсулотларига қўшимча импорт божлари 9 июлгача кечиктирилганини ёзди.

Трампнинг баёнотидан сал олдин Еврокомиссия раҳбари Урсула фон дер Ляен ҳам Трамп билан “яхши телефон суҳбати” бўлгани санкцияларни маълум қилди.

“Евроиттифоқ ва Қўшма Штатларни дунёдаги энг муҳим ва яқин савдо муносабатлари боғлайди. Европа музокараларни тез ва қатъий шаклда олиб боришга тайёр. Ижобий келишувга эришиш учун 9 июлгача вақт керак”, — деб ёзди дер Ляен Х платформасида.

Трамп, шунингдек, мамлакатда тўқимачилик саноатини қайта тиклашга қизиқмаслигини айтди.

“Очиғини айтсам, мен футболка ёки пайпоқ ишлаб чиқаришни ривожлантирмоқчи эмасман. Биз чиплар, компьютерлар, шунингдек, танклар ва кемалар ишлаб чиқарамиз”, — деди у.

• АҚШ
• Davlat boji
• Трамп
• Yevropa Ittifoqi