Ria Новостиънинг ёзишича, Манхеттендаги бизнес марказида ўқ отган шахс руҳий касалликка чалинган бўлган. Шаҳар полицияси комиссари Жессика Тиш сўзларига кўра, ҳужумчи Лас-Вегаслик 27 ёшли Шейн Тамура.

Полиция комиссари Тамуранинг бино фоесида отишма бошлаганини, шундан сўнг 33-қаватга чиқиб у ерда отишмани давом эттирганини, кейин эса ўз жонига қасд қилганини таъкидлади. “У чақирган лифтдан бир аёл тушаётган эди ва у унга “ўзининг ёнидан соғ-саломат ўтишга” рухсат берди”, — деди Тиш.

Журналистлар билан бўлиб ўтган брифингда Тамураданинг руҳий касаллик бўйича ҳужжатлаштирилган тарихи мавжудлиги маълум қилинди.

Шаҳар мери Эрик Адамснинг аниқлик киритишича, ҳужумда тўрт киши ҳалок бўлган, улардан бири полициячи экани аниқланган.

• Nyu-York
• Отишма