“Самарқанд аеропорти” чегара божхона пости ходимлари томонидан пневматик тўпонча олиб киришга уринган шахс тўхтатиб қолинди. Бу ҳақда вилоят Божхона бошқармаси матбуот хизмати хабар берди.
Қайд этилишича, “Шереметево-Самарқанд” йўналишидаги авиарейс билан учиб келган фуқаро Р.Ҳ. “яшил” йўлак орқали ҳаракатланар экан, унинг хатти-ҳаракати божхоначиларда шубҳа уйғотади.
Шундан сўнг, холислар иштирокида Р.Ҳ.гa тегишли багаж сумка белгиланган тартибда кўздан кечирилган.
Натижада, қиймати 5 млн. сўмлик 1 дона калибри 4,5 мм бўлган пневматик тўпонча ҳамда ушбу тўпончага тегишли 4 дона сиқилган ҳаво балончалари ва 89 дона ўқларни тегишли рухсатномаларсиз олиб киришга уринганлиги фош бўлган.
Мазкур ҳолат юзасидан Жиноят ишлари бўйича суднинг ҳукми билан Ўзбекистон Республикаси Жиноят кодексининг тегишли моддаларига мувофиқ, судланувчи Р.Ҳ.гa базавий ҳисоблаш миқдорининг 5 баравари миқдорида 1 500 000 сўм жарима жазоси тайинланди.
Шунингдек, ҳуқуқбузарлик ашёси сифатида олинган 1 дона калибри 4,5 мм бўлган пневматик тўпонча ҳамда ушбу тўпончага тегишли 4 дона сиқилган ҳаво балончалари ва 89 дона ўқлари тегишли тартибда йўқ қилинди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!