Эрон ва Саудия Арабистони расмийлари икки мамлакат ўртасидаги муносабатларни нормаллаштиришга келишиб олди. Улар икки ой ичида элчихоналар очишни режалаштирмоқда. Бу ҳақда “Тасним” агентлиги хабар берди.

Маълум қилинишича, бир неча кун давомида Пекинда Эрон Миллий хавфсизлик олий кенгаши котиби Али Шамхоний ва унинг саудиялик ҳамкасби музокара олиб борган. Натижада уч томонлама баёнот қабул қилинган. Теҳрон ва Ар-Риёд максимал икки ой ичида дипломатик муносабатларни тиклаш ва элчихоналарни қайта очишга келишиб олди.

“Музокаралар якунларига кўра, Эрон Ислом Республикаси ва Саудия Арабистони Қироллиги икки ой муддатда дипломатик муносабатларни тиклаш, элчихоналар ва вакиллик органларини очишга қарор қилди”, – дейилади хабарда.

Ҳужжатда таъкидланганидек, муносабатларни нормаллаштириш бўйича якуний келишувга ХХР раиси Си Цзиньпин ташаббуси билан, шунингдек, Уммон ва Ироқ воситачилигида эришилган бўлиб, 2021 йил апрелида Теҳрон – Ар-Риёд музокаралари майдонига айланди.

Қайд этилишича, икки давлат суверенитет ва бир-бирининг ички ишларига аралашмаслик тамойилларига содиқ. Шунингдек, 2001 йил 17 апрелда имзоланган хавфсизлик тўғрисидаги битим, савдо, иқтисодиёт, маданият, фан, технология ва бошқа соҳаларда ҳамкорлик тўғрисидаги 1998 йил 27 майда имзоланган битимни амалга оширишга интилади.

• Eron
• Саудия Арабистони
• Хитой