Ўзбекистон ва Туркия ўртасида ҳарбий ҳадли битимни ратификация қилиш ҳақидаги қонунни Сенат маъқуллади. Бу ҳақда ташкилот ахборот хизмати хабар берди.

Қайд этилишича, Сенатнинг ўттиз бешинчи ялпи мажлисида “Ўзбекистон Республикаси Ҳукумати билан Туркия Республикаси Ҳукумати ўртасида ҳарбий ҳадли Битимни ратификация қилиш ҳақида”ги Қонун кўриб чиқилган.

Мазкур битим 2022 йилнинг 29 март куни Туркия президентининг Ўзбекистонга ташрифи пайтида имзоланган. Битим ҳарбий тайёргарлик ва ҳарбий таълим, мудофаа саноати ҳамкорлигини ривожлантириш, логистика соҳасидаги ҳамкорлик, картография ва гидрография, миналар ва қўлбола портловчи қурилмаларга қарши курашиш бўйича тажриба алмашиш каби йўналишларда Ўзбекистон ва Туркия ўртасидаги ҳамкорликни янада ривожлантиришга қаратилган.

Ушбу йўналишлардаги ҳамкорлик тадбирлари Ўзбекистон Мудофаа вазирлиги ва Туркия Миллий мудофаа вазирлигининг йиллик режаларига киритилади. Муҳокамада битимнинг ратификация қилиниши давлат бюджетидан қўшимча маблағ ажратишни талаб қилмаслигини, битим доирасида ташкил этиладиган барча тадбирлар эса ҳар йили Мудофаа вазирлигига ажратиладиган бюджет маблағлари доирасида амалга оширилиши қайд этилди.

Шунингдек, муҳокама чоғида битимнинг ратификация қилиниши Давлат бюджетидан қўшимча маблағ ажратишни талаб қилмаслиги, битим доирасида ташкил этиладиган барча тадбирлар эса ҳар йили Мудофаа вазирлигига ажратиладиган бюджет маблағлари доирасида амалга оширилиши қайд этилди.

• Ҳарбий
• Мудофаа
• Ratifikatsiya
• Сенат
• Туркия