Куни кеча «Тоттенҳем» Англия кубиги 1/16 финал босқичи доирасида «Брайтон»ни 3:1 ҳисобида мағлубиятга учратди.

Учрашувдан сўнг, «шпорлар» бош мураббийи Антонио Контен ўйинда иккита гол урган шогирди Ҳарри Кейнни мақтади.

«Жамоанинг ишончини қозониш учун Кубокдек турнирда муваффақиятли иштирок этиш жуда муҳим. Биз яхши жамоани мағлуб этдик. Кейн иккита гол урди.

У шунчаки фантастик ўйнади, у гарчи гол урмаса ҳам, барибир яхши ўйин кўрсатадиган, жамоавий ўйинчилар сирасига киради», — деди Конте.

Ўз навбатида, Кейн ҳам устози Конте ҳақида анча илиқ фикрлар билдирди.

«У ажойиб. Ўзгаришлардан қанчалик мамнун эканимизни ифодалашга сўз топа олмаяпман. У жамоанинг менталитети ва муносабатини ўзгартирди. Биз майдонда ҳам, майдон ташқарисида ҳам шу руҳда ишлашда давом этишимиз керак», — деди Кейн.

Маълумот учун, Конте қўл остида «Тоттенҳем» жами ўн еттита ўйин ўтказиб, уларнинг ўнтасида ғалаба қозонишга муваффақ бўлган

Эслатиб ўтамиз, Лондон клуби Англия кубоги 1/8 финал босқичи доирасида «Миддлесброу» жамоаси билан рўбарў келишади.

• Футбол
• Хориж