Буюк Британия қироли Чарльз III нинг кенжа ўғли, Сассекс герцоги, шаҳзода Гарри отаси ва акаси билан ярашиш ниятида эканлигини маълум қилди. Унинг айтишича, яқинлари билан муносабатларини яхшилаш истагига қарамай, қироллик оиласи Гарри ва унинг рафиқаси Меган Маркл билан "муросага келишга тайёр эмас".
"Мен отамни ва акамни қайтаришни истайман", – деди шаҳзода.
Гаррининг айтишича, оммавий ахборот воситалари орқали унга ва унинг рафиқасига қаршилик кайфияти кучайган, шу туфайли Буюк Британия қироллик оиласи аъзолари билан бўлган можаро тафсилотларини очиқлаш қарорига келган.
Эслатиб ўтамиз, Буюк Британия қироллик оиласи ҳамда шаҳзода Гарри ва унинг рафиқаси Меган Маркл ўртасидаги муносабатлар 2020 йилда кескинлашган. Айнан мана шу йили жуфтлик қироллик оиласи аъзолиги мақомидан бутунлай воз кечиб, АҚШга кўчиб ўтганлар. Улар айни вақтда Калифорния штатининг Санта-Барбара шаҳрида истиқомат қилишади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!