Германиянинг Берлин шаҳрида «The Armageddon Championship Series» чемпионати доирасидаги «Asia & Oceania» турнири давом этмоқда.

Кеча мазкур турнирнинг илк турида ўзбекистонлик шахматчи Нодирбек Абдусатторов ҳиндистонлик Видит Гуджратига қарши дона сурди.

Учта партия якунига кўра, Нодирбек рақибини 2,5 — 0,5 ҳисобида мағлуб этиб, чорак финалга йўл олди.

Ушбу ғалаба Абдусатторовни 6 апрель куни чорак финалда нидерландиялик Аниш Гирига қарши баҳс юритишини таъминлади.

Эслатиб ўтамиз, мукофот жамғармаси 50 минг евродан иборат мазкур халқаро турнир 9 апрелга қадар давом этади.

Унинг финал нуқтасигача етиб келган икки нафар шахматчи жорий йил сентябрь ойида ўтадиган «Гранд-финал» чемпионлик беллашувларида қатнашиш ҳуқуқини қўлга киритади.

• Германия
• Nodirbek Abdusattorov
• Шахмат