Швеция Ташқи ишлар вазирлиги раҳбари Тобиас Билстрём Қуръонни ёқиш билан боғлиқ ҳаракатлар фонида НАТОга аъзо бўлиш жараёни тўхтатилганини айтди. У июл ойида Вилнюсда бўлиб ўтадиган НАТО мамлакатлари Ташқи ишлар вазирликлари саммитида Туркия билан алянсга қўшилиш борасида келишиб олиш мумкинлигига умид билдирди.
“Ўтган бир неча ҳафтадаги воқеалар НАТОга аъзо бўлиш жараёнини вақтинча тўхтатди... Албатта, биз Вилнюсдаги саммитни интиқлик билан кутмоқдамиз”, деди Тобиас Билстрём Эхпрессен газетасига. НАТОнинг навбатдаги саммити 2023 йил 11-12 июль кунлари Вилнюсда бўлиб ўтади.
21 январь куни Даниянинг Ҳард Лине партияси вакили Расмус Палудан (у ҳам Швеция фуқаролигига эга) Туркиянинг Стокголмдаги элчихонаси олдида Қуръонни ёқиб юборди. Орадан бир ҳафта ўтиб Копенгагендаги Туркия элчихонаси олдида яъна бир бор Қуръонни ёқиб юборди. Афтонбладет нашрига берган интервюсида фаол Швеция НАТОга қабул қилинмагунча ҳар жума куни Туркия элчихонаси олдида Қуръонни ёқишга ваъда берган.
Туркия ҳукумати Қуръонни ёқишни нафрат жинояти деб билади. Швеция расмийлари бундай ҳаракатларга халақит бермаётгани сабабли Туркия президенти Ражаб Тоййиб Эрдўғон Швециянинг НАТОга кириш ҳақидаги аризасини қўллаб-қувватлашдан бош тортди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!