Хитой Халқ Республикаси раиси Си Цзинпин сешанба куни Пекинда расмий уч кунлик ташриф билан Хитойда бўлган Германия канслери Олаф Шольцни қабул қилди.
Учрашув сешанба куни тушдан кейин Пекиндаги Диаоютаи давлат қароргоҳида бўлиб ўтган. Шольц 14-16 апрель кунлари Хитойда бўлиб, у аллақачон Чонгқинг ва Шанхай шаҳарларига ташриф буюрган.
Шунингдек, Шольц Пекинда Хитой Халқ Республикаси Давлат Кенгаши бош вазири Ли Сян билан музокаралар олиб боради, унда савдо муносабатлари, Украинадаги можаро ва яқин Шарқдаги вазиятни муҳокама қилиш режалаштирилган.
Шольц охирги марта 2022 йил ноябр ойида Хитойга ташриф буюрган эди. Германия ҳукуматининг таъкидлашича, иқтисодий муносабатлардан ташқари, геосиёсий муаммолар ва барқарор ривожланиш стратегиялари ҳозирги ташрифнинг диққат марказида бўлади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!