2024 йилнинг 20 октябрь куни ижтимоий тармоқларда Сирдарё вилояти Сирдарё тумани “Тараққиёт” маҳалласида жойлашган 2-умумий ўрта таълим мактабида ўқийдиган опа-сингиллар мактаб ҳамширасини ва ўқитувчини калтаклаган видеоси тарқалган эди. Ҳолат юзасидан сайёр суд ташкил этилди ва вазият ўрганилиб, ўқувчиларнинг онасига жарима белгиланди.

“Мактабда ўқувчиларни дарсга киришини назорат қиладиган навбатчи ташкил қилганмиз. Жанжалга сабаб назоратчининг ўқувчи қизларга дарсга вақтида киринглар, деган гапи асносида юзага келган. Бу чақириқни эшитган ўқувчи қизлар навбатчига сизнинг ишингиз бўлмасин, деб у билан тортишган. Сўнг ҳамширани калтаклашган”, дейди мактаб директори.

Ҳолат жиддийлашгандан сўнг вояга етмаган қизларнинг онаси мактабга чақирилган ва яна жанжал бўлган. Сайёр судда ҳамманинг фикри ўрганиб чиқилган. Вояга етмаган опа-сингилларнинг оилавий шароити ҳам инобатга олинган.

Аниқланган маълумотларга кўра, уларнинг оиласида ҳеч ким ишламаслиги боис, ўқувчиларнинг онасига нисбатан Маъмурий жавобгарлик тўғрисидаги кодекснинг 34-моддаси билан ҳамда базавий ҳисоблаш миқдорининг икки баравар (752 минг сўм) миқдорида жарима жазоси белгиланган.

• Jazo
• Мактаб
• Муносабат