Суриядаги насронийлар рождество дарахти ёқиб юборилгани учун норозилик билдиришмоқда. Мамлакатнинг янги расмийларининг айтишича, ўт қўйишда айбдорлар ҳибсга олинган.

Дамашқнинг айрим ҳудудларида одамлар кўчаларга хоч ва Сурия байроқлари билан чиқишган. Шунингдек, улар: “Биз хочимиз учун ўзимизни қурбон қиламиз”, – деб бақиришган.

Намойишлар асосан насроний аҳолиси бўлган Скалбия шаҳрида асосий майдонда турган рождество дарахти ёқиб юборилгандан сўнг бошланган.

Аввалроқ, ижтимоий тармоқларда ниқоб кийган қуролланган одамлар томонидан дарахтга ўт қўйилгани акс этган кадрлар пайдо бўлган эди.

Сурияда ҳокимиятни қўлга киритган “Ҳайят Таҳрир аш-Шом” гуруҳи (Россияда террорчи ташкилот сифатида тақиқланган) ўт қўйишда айбдор бўлганлар чет эллик жангарилар эканлигини ва улар аллақачон ҳибсга олинганлигини айтган.

“Ҳайят Таҳрир аш-Шом” ҳам шикастланган дарахтни дарҳол тиклашга ваъда берган.

• Намойиш
• Suriya