Пит Ҳегсетнинг сўзларига кўра, Хитой Халқ Республикаси компаниялари канал ҳудудидаги энг муҳим инфратузилмани назорат қилишда давом этаётгани “қабул қилиб бўлмайдиган ҳолат”, чунки унинг фикрича бу Хитойга Панамадаги вазиятни кузатиш ва жосуслик қилиш имконини бермоқда.

“Хитой бу канални қурмаган, Хитой бу канални бошқармайди ва уни қурол сифатида ишлатмайди”, — дея таъкидлаган АҚШ Мудофаа вазири Панамага ташрифи чоғидаги нутқида.

Ҳегсет, шунингдек, АҚШ ва Панама ўртасидаги ҳамкорликни чуқурлаштириш, жумладан, қўшма ҳарбий машғулотлар ва разведка маълумотлари алмашинувини кучайтириш режалаштирилаётганини таъкидлаган. Унга кўра, бу чора-тадбирлар “коммунистик Хитойдан келаётган тобора жиддий чақириқларга жавоб қайтариш” учун зарур ҳисобланади.

Маълумот учун, Атлантика ва Тинч океанларини боғловчи Панама канали 1914 йилда АҚШ томонидан қурилган, 1999 йилда канал бошқаруви тўлиқ Панамага топширилган.

• АҚШ
• Kanal
• Хитой