Бу ҳақда Вашингтон ва Панама ўртасида “юқори мансабдор шахслар” томонидан имзоланган янги келишувда қайд этилган. Ҳужжат тафсилотларини эса AFP агентлиги келтирган.

Келишув АҚШ ҳарбий хизматчиларига панамалик аскарларни ўқитиш, машқлар ўтказиш ва бошқа бир қатор тадбирлар учун Панама назоратидаги объектларда жойлашишга рухсат беради, бироқ Қўшма Штатлар ҳудудда янги ҳарбий объектлар қура олмайди.

“Шундай бўлса-да, ушбу келишув Вашингтонга ўн йиллар олдин Қўшма Штатлар Панама каналига эгалик қилган даврда қурилган ҳарбий базаларга номаълум миқдордаги аскарларни жойлаштириш ҳуқуқини беради”, – деб ёзади AFP.

Агентлик буни АҚШ президенти Доналд Трампга Вашингтоннинг денгиз йўлидаги таъсирини тиклаш йўлидаги “катта ён бериш” дея баҳоламоқда.

• АҚШ
• Ҳарбий хизматчилар
• Kanal
• Трамп