18 март куни Бельгиянинг Ломмел шаҳрида таэквондо WТ бўйича “Belgian Open” халқаро мусобақаси бўлиб ўтди. Унда Ўзбекистон терма жамоасининг 8 нафар вакили медаллар учун кураш олиб борди.

Қувонарлиси уларнинг 6 нафари совриндор бўлди. Улуғбек Рашитов, Шуҳрат Салаев ва Нияз Пўлатов барча рақибларини мағлуб этиб, олтин медални қўлга киритишди.

Феруза Садикова кумуш, Мадинабону Маннопова ҳамда Никита Рафалович эса бронза медалига эга чиқишди.

Таъкидланишича, Ўзбекистондан бошқа ҳеч бир давлат спортчилари 3 та олтин медални қўлга кирита олмади ҳамда дунёнинг 70 та мамлакатидан келган энг сара таэквондочилар орасида вакилларимиз биринчи ўринни эгаллади.

Ўз навбатида, спортчиларимиз Париж-2024 йўлида навбатдаги қимматли очколарни қўлга киритишди.

Мавзуга доир: Ўзбекистон терма жамоаси “Dutch Open” турнирида 5 та медалга эга чиқди

• Бельгия
• Ўзбекистон
• Таэквондо