АҚШ Конгресси Вакиллар палатаси спикери Ненси Пелоси Тайван маъмурияти раҳбари Цай Инвэнь билан учрашув ўтказмоқда. Бу ҳақда “ТТВ” телеканали хабар бермоқда.
Қайд этилишича, Пелоси ва Цай Инвэнь ўртасидаги учрашув трансляциясини орол маъмурияти раҳбари идораси олиб боради.
Суҳбат олдидан Тайван президенти Пелосига Вашингтон ва Тайпей ўртасидаги муносабатларни ривожлантиришга қўшган улкан хизматлари учун ҳукуматнинг “Махсус Гранд Шоуқингюнь” ордени билан тақдирлади.
Таъкидланишича, “Махсус Гранд Шоуқингюнь” ордени 1941 йил 12 февралда фуқароларни миллий тараққиёт ва фуқаролик жамиятидаги хизматлари учун мукофотлаш мақсадида таъсис этилган. Шунингдек, Орден, чет эл фуқароларига ҳам мамлакатга қилган юксак хизматлари учун берилади.
Маълумот учун, Пелоси Тайпейга 2 август куни кечқурун етиб келди. Хитой Ташқи ишлар вазирлиги Пелосининг Тайванга сафари сабабли АҚШ қаттиқ жавоб чораларига дуч келишини айтди. Хитой раҳбари томонидан “олов билан ўйнаш, куйиб кетишга сабаб бўлади” деб огоҳлантирилган АҚШ маъмурияти Пекинни “ягона Хитой” сиёсатига содиқлигига ишонтирди, аммо спикер ўзи қарор қабул қилишини айтиб, ташриф оқибатида юзага келадиган мажбуриятлардан узоқлашди.
ХХР Тайванни ўз провинсияси деб ҳисоблайди ва ҳар доим Тайпей вакиллари ва АҚШнинг амалдорлари, айниқса юқори лавозим эгалари ёки Пекин билан дипломатик алоқада бўлган мамлакатлар ҳарбийлари ўртасидаги ҳар қандай алоқага қарши туради.
Шунингдек, мамлакатнинг яқин ҳамкори Россия Пелосининг ташрифини АҚШнинг Хитойга нисбатан очиқ провокацияси деб ҳисоблади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!