Россия Федерал хавфсизлик хизмати (ФХХ) Ростов вилояти бошқармаси жазони ижро этиш колониясида уч нафар Ўзбекистон фуқароси “содир этмоқчи бўлган терактнинг” олди олинганини маълум қилди, – дея хабар бермоқда “РИА Новости”.

Россия ФХХ маълумотига кўра, гумондорлар Россия ва бир қатор мамлакатларда тақиқланган ИШИД террорчилик ташкилоти тарафдорлари бўлиб, уларнинг учаласи ҳам оғир жиноятлар содир этгани учун жазо муддатини ўтаётган бўлган.

“Гумондорлар муассаса ходимларини гаровга олиб, колония биноларига ўт қўймоқчи бўлган. Улар батафсил ҳаракат режасини ишлаб чиққан, аммо уни амалга оширишга улгурмаган. Тинтув чоғида улардан террорчилик ташкилоти байроғи тасвири туширилган мато бўлаклари ва тиғли буюмлар топилган”, –  дейилади ФХХ баёнотида.

• Жиноят
• Маҳкум
• Россия
• Теракт