“АҚШ Конгресси Киевга ёрдам бериш тўғрисидаги қонунни ўзгартиришга ҳаракат қилмоқда, шундан сўнг Трамп лавозимга киришиб, уни бекор қила олмайди”, – дея ёзмоқда The Hill нашри. Агарда ушбу қонун қабул қилинса, президент доимий равишда Украина учун ҳарбий ва иқтисодий ёрдам кўрсатишга мажбур бўлади.

“Бу Трампнинг ҳокимият тепасига келиши ва Республикачилар партиясининг Конгресс устидан тўлиқ назорати туфайли хавф остида қолган ёрдамни ҳимоя қилишга уринишдир”, — дейилади хабарда.

Трамп уч ҳафтадан сўнг Оқ уйга қайтиши кутилмоқда.

Эслатиб ўтамиз, жорий йилнинг 5 ноябрь куни АҚШда ўтказилган президент сайловларида мамлакатни кейинги 4 йил мобайнида бошқарадиган навбатдаги президент номи аниқ бўлган эди.

• АҚШ
• Конгресс
• Трамп