31°
Кечаси 18°
Йил охиригача CBP Home иловаси орқали ўз ихтиёри билан депортация қилишга рўйхатдан ўтган ноқонуний муҳожирлар 3000 АҚШ доллари миқдоридаги маблағ ва ватанига бепул парвоз билан таъминланади. CBP Home иловасидан фойдаланиш мамлакатни белгиланган вақтда тарк этмаганлик учун белгиланган фуқаровий жарималар ва пеняларнинг кечирилишига ҳам имкон беради. Бу ҳақда Ички хавфсизлик вазири Кристи Ноэм маълумот берди.
“2025 йил январь ойидан буён 1,9 миллион ноқонуний муҳожир ўз ихтиёри билан мамлакатни тарк этди ва ўн минглаб одамлар CBP Home дастуридан фойдаланди. Рождество мавсумида АҚШ солиқ тўловчилари бу мамлакатда ноқонуний бўлиб турганлар учун ихтиёрий кетиш рағбатини уч баробар ошириб, 3 000 долларлик чиқиш бонуси таклиф қилмоқда. Бироқ бу таклиф фақат йил охиригача амал қилади,” – деди Қўшма Штатлар Ички хавфсизлик вазири. “Ноқонуний муҳожирлар бу имкониятдан фойдаланиб, ўз ихтиёри билан кетишлари керак, акс ҳолда биз уларни топамиз, ҳибсга оламиз ва улар ва ҳеч қачон АҚШга қайтолмайди”, – дея қўшимча қилган Ноэм.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
