Енгил вазн тоифасида Беллатор собиқ чемпиони Майкл Чендлер ва 38 ёшли америкалик ММА устаси Тони Фергюсон жорий йилнинг 7-май куни ўтказиладиган UFC 274 мусобақасида ўзаро жанг қилиши мумкин. Бу ҳақда инсайдер Ариел Хелвани хабар берди.

35 ёшли Чендлер ўзининг сўнгги икки жангида Жастин Гетжи ва Чарлз Оливейрага мағлуб бўлган. 2021-йил январ ойида UFC'даги дебютида Майкл Янги Зеландия вакили Ден Хукерни мағлуб этган.

Фергюсон эса UFC 262 мусобақасида Бенил Дариушга ютқазган. Бу мағлубият унинг қаторасига учинчиси бўлди. Унинг мағлубиятлар серияси Гетжи билан жангда бошланган, ўшанда Фергюсон муддатидан олдин ютқазган. Шундан сўнг чампион Оливерйра қаршилигини синдира олмаган.

Эслатиб ўтамиз, аввалроқ UFC президенти Дана Уайт промоушен жангчилари ўртасида дуел ташкил этиш имконияти кўриб чиқилаётганини маълум қилган эди.

• Спорт
• UFC