Украинанинг биринчи хоними Олена Зеленска Украина халқининг оғир аҳволини ёритиш учун Буюк Британияга ташриф буюрди.

Келтирилишича, Зеленскийнинг рафиқаси Олена Зеленска Буюк Британия парламентига ташрифи чоғида нутқ сўзлаган.

“Сиз, парламент аъзолари, бизни имкон қадар жаҳон ҳамжамиятини бирлаштиришга ёрдам беришингизни сўрайман. Россиянинг Украинага қарши жиноятлари бўйича махсус трибунални қўллаб-қувватлаш учун дунёни бирлаштиринг”, - деди биринчи хоним.

У нутқида Британияга Россияга қарши урушда кўрсатаётган ёрдами учун миннатдорчилик билдирди.

“Бугун мен сиздан адолатнинг жаҳон етакчиси бўлишингизни сўрайман. Ортиқча ҳам, кам ҳам эмас”, - дея нутқини якунлади у.

Олена Зеленсканинг айтишича, Украина прокуратураси ҳозирда рус аскарлари томонидан содир этилган 100 дан ортиқ эҳтимолий жиноятларни тергов қилмоқда.

Украина ҳукумати уруш қурбонларига ёрдам бериш дастурини ишга туширди, Зеленска бу “тергов ва таъқиб этиш йўлидаги биринчи қадам” бўлиши мумкинлигига умид билдирмоқда.

• АҚШ
• Буюк Британия
• Россия
• Зеленский