Украина келажакда НАТОга қўшилади ва Британия аллақачон ушбу мамлакатнинг альянс билан яқинлашиш устида ишламоқда. Бу ҳақда Буюк Британия бош вазири Риши Сунакнинг ўзи маълум қилган.

Сунакнинг таъкидлашича, Британия Украина армияси НАТО стандартларига мос келиши учун барча имкониятларни ишга солмоқда.

“Мен НАТО Бош котибининг Украина альянсга аъзо бўлиши ҳақидаги фикрига қўшиламан. Биз Украинани нафақат ҳозир, балки узоқ муддатда ҳам қўллаб-қувватлашни давом эттириш режаси борлигига ишонч ҳосил қилишимиз керак. Идеал ҳолда, НАТО аъзоси бўлиш, стандартларга жавоб берадиган қурол-яроғлар кўпроқ бўлиши керак, шунингдек, турли мамлакатларнинг барча кучлари бир-бирига мос бўлиши шарт”, – деди Сунак.

Бош вазирнинг қайд этишича, бунинг учун Британия украиналик учувчиларни НАТО стандартлари бўйича тайёрлайди.

Эслатиб ўтамиз, аввалроқ президент Владимир Зеленский Украина икки йилдан кейин Европа Иттифоқига тўлақонли аъзо бўлиши мумкинлигини, бироқ НАТОга қўшилиш урушдаги ғалабадан кейин амалга ошишини айтган эди.

• Бош вазир
• Буюк Британия
• НАТО