Ўзбекистон Республикаси Энергетика вазирлиги ижтимоий тармоқларда тарқалган АГТКШлари ҳақидаги хабарлар юзасидан расмий изоҳ берди.

Қайд этилишича, тармоқларда тарқалган хабарлар мутлақо асоссиз бўлиб, АГТКШлари белгиланган тартибда фаолият юритади.

«Ижтимоий тармоқларда «Водий вилоятларидаги автомобилларга газ тўлдириш компрессор шохобчалари (АГТКШ) фаолияти вақтинча тўхтатилади» мазмунида хабарлар тарқалди.

Ушбу хабарлар ҳеч қандай асосга эга эмаслигини маълум қиламиз ва фуқаролардан бу каби тасдиқланмаган хабарларга ишонмасликларини сўраймиз», – дейилади ахборотда.

Маълум қилинишича, Республика бўйича, хусусан, водий вилоятларидаги АГТКШлари фаолияти маҳаллий ҳокимликлар билан келишилган жадвалларга асосан давом этади.

Ўз навбатида, вазирлик ижтимоий тармоқ вакилларидан бу каби асоссиз ва тасдиқланмаган хабарларни тарқатмасликни сўраган.

• AGTSHK
• Энергетика_вазирлиги