Давлат хавфсизлик хизмати Сирдарё вилояти бўйича бошқармаси томонидан вилоят прокуратураси, жиноятларга қарши курашиш департаменти ҳамда Солиқ бошқармасининг комплаенс ва коррупцияга қарши курашиш бўлими билан ҳамкорликда тезкор тадбир ўтказилди.

Маълумотларга кўра, Сирдарё вилояти Солиқ бошқармасининг шўъба бошлиғи хизмат мавқеидан фойдаланиб, заргарлик буюмлари савдоси билан шуғулланувчи МЧЖга нисбатан 1 млрд сўмдан ортиқ савдо айланмасини яширганлик ҳолатини рўкач қилиб, 145 млн сўм миқдорида сунъий жарима қўллаш билан таҳдид қилган ҳамда ушбу жаримани бекор қилиш ва келгусида “ёрдам кўрсатиш” эвазига 10 млн сўм қийматдаги тилла тақинчоқ талаб қилган.

У порани олаётган вақтида ҳуқуқ-тартибот органлари томонидан ашёвий далиллар билан қўлга олинган.

Ҳозирда унга нисбатан жиноят иши қўзғатилган бўлиб, тергов ҳаракатлари олиб борилмоқда.